مرض الفيبرومالغيا اى هو وكمان عندى انضغاط العصب فوق...

مرض الفايبروميالجيا هو مرض غير مناعي بيحصل نتيجة زيادة حساسية مستقبلات الالم في الجسم للشعور ده وبالتالي الالم والارهاق بيكون ازيد من الطبيعي ومستمر علي مدار اليوم حتي مفيش سبب الالم ده لان مستقبلات الالم حساسة جدا فبتترجم اي حاجة تيجي عليها انها الم
وكمان ممكن تعمل مشاكل في النوم او نوم متقطع ومشاكل في الذاكرة
الفايبروميالجيا ممكن تيجي لوحدها وممكن تيجي نتيجة امراض او مشاكل مختلفة زي امراض مناعية واشهرها الروماتويد او الذئبة او نتيجة مشاكل نفسية او عضوية في الغدد او الجهاز الهضمي او الجهاز العصبي وغيره
التشخيص بيتم باستبعاد كافة اسباب الام المفاصل والعضلات الاول يتبقالنا فايبروميالجيا .. دايما المرضي دول بتلاقي معاهم لستة تحاليل طويلة لان بنحتاج نستبعد كل امراض المناعة وامراض الغدة والقولون والكبد وغيرها من الامراض الي بتصاحبها الام في العظام والعضلات
والعلاج بيكون بادوية مع جلسات علاج طبيعي ولو في مرض مصاحب ليها بنعالجه


بالنسبة لاختناق الاعصاب حسب درجة اختناق العصب لو خفيفة ممكن نكتفي بادوية او علاج طبيعي اما لو متوسطة للشديدة بنحتاج تدخل اما بعمل حقن للعصب او تسليك له تحت جهاز السونار او حتي العملية في بعض الحالات الي التدخلات مش بتجيب معاها نتيجة والحمدلله انها مش بتكون كثير