السلام عليكم يا دكتور انا عندي حساسيه ولكن مبيظهرش حب ...

38 السلام عليكم يا دكتور
انا عندي حساسيه ولكن مبيظهرش حب ولا بقع حمرا في جسمي.. هو اللي بيحصل كأن كهربا مسكت في جسمي كأن واحد ماسك سكاكين وبيقطع في لحمي مع ضيق نفس ومش بستحمل حد.
ظهرت عندي من اولي كليه من 5 سنين ولكن كانت اعراض خفيفه لكن دلوقتي الموضوع زاد عن حده.
من ساعه وانا عملت عمليه الزايده في الجيش من سنه والموضوع زاد جدا..
يعني مثلا في الاول كانت بتجيلي ربع ساعه كل اسبوع ولما اجي اشرب حاجه متلجه تمشي علي طول..
لكن دلوقتي بتستمر معايا اكتر من مره في اليوم مع ضيق نفس ومبستحملش حد وظهرت اعراض جديده اثناء الحساسيه وهي اني اقطع في فروه راسي مع سقوط شعر كثير..
الاسباب اللي
1... لو استحميت بمايه ساقعه بتزيد اكتر
2...لو استحميت بصابونه ولا حكيت جسمي بليفه بتزيد
3.. مقدرش البس الا فلنه وشورت من دايس او قوطونيل لو لبس فلنه سموكن ولا لبست حاجه لونها غامغ بموت نفسي
4.. الاكل المشطشط مقدرش اكله بيهيجني
5...بعد الاستحمام وبعد مصحي من نومي
6.. عندي مشكله مع اللبن والجبن
6.. والاهم اني مقدرش اشتغل لو اشتغلت وجسمي عرق بقتل في نفسي ولو ربنا كرمني واشتغلت ساعتين حلوين ولو جسمي برد عليا والفالنه اللي لابسها مليانه عرق بموت
ملحوظه
روحت كشفت عن موهجه الضبع من فتره ومنفعش علاجها.. وخت براشيم الحساسيه اللي اتخلقت كلها ومنفعش وخت حقن ديكستا وافيل كانت بتهديني يوم بس وبعد كده ولا كاني عملت حاجه..
فييه حل انا اكتشفته اني لما تجيلي الحساسيه بروح افتح السخان علي الاخر واشغل مايه سخنه بس هو اللي بينفع معايا بس بعد ماطلع من الدش بنهج كأن واحد نزل في ضرب ولا كأن حاسس احساس واحد جري 100 كيلو
وحاجه تاني اطرافي وهي رجليا وادرعتي اعصابي بيتعبوني من كتر الحك
انا تعبت والله انا في الصيف بموت حرفيا
انا مبصليش بسبب الحساسيه مشعارف اصلي
انا اترفدت من الشغلنتين بسبب الحساسيه
الناس بتبصلي بصات وحشه واولهم اهلي ابويا وامي واصحابي بيقولولي يا جربان انا متخيل نفسي مشعارف اعمل اي لو خطبت وخطيبتي شافاتني اعمل كده هننفصل علي طول
الموضوع ده مسببلي ازمه نفسيه حاده ومشعارف اعمل اي