لو سمحت يادكتور عندي استفسار من حضرتك انا ضرس العقل...

Question

سألت فتاة (تبلغ عمرها 29 سنة) 5 October, 2026

538 لو سمحت يادكتور عندي استفسار من حضرتك انا ضرس العقل عندي ملتهب كشفت والدكتور طلب اشاعه واداني علاج امشي عليه لمده تلت ايام خلصته ورحتلو تاني بس مكنتش عارفه افتح الفك خالص ومش عارفه اكل اي حاجه حتا الزبادي مش عارفه افتح الفك غير شويه صغيره اوي المهم قالي عدي نفس العلاج تاني عشان لسه ف التهاب وبعدين تعالي نخلعه جراحة
انا دلوقتي عاوزة اقدر افتح الفك اعمل ايه هل هيفتح مع العلاج ولا لا

Answer 1

اهلا وسهلا بحضرتك
طبعا اول شيء في ضرس العقل هو عمل اشعه بانورما نشوف الوضع و ضرس عقل ثم فعلا نعطي علاج للالتهاب و نقوم بالخلع تمام كده
الف سلامه و بالتوفيق

Answer 2

احيانا ضرس العقل يحتاج الى علاج لمده اطول من ثلاثه ايام او تغيير العلاج مع العرض على الطبيب بالاشعه لعمل اللازم من ازاله لحميه او ازاله وخلع الضرس

Answer 3

ايوه تمشي عليه بس لازم من المتابعه لا ن الاتهاب ممكن يرجع تاني و في الغالب يكون متاج خلع

Answer 4

الحالات اللي زي كدا بتحتاج جرعة مضاد حيوي مناسبه ومضمضة مناسبه ولو في صديد ممنوع مضادات التورم والالتهاب..
واشاعة بانوراما لتحديد علاقة الضرس بعصب الفك

Answer 5

هناخد dimra muscle relaxant
قرص كل ٨ ساعات بعد الاكل
كمادات ماء دافىء
غرغرة بماء فاتر و ملح
تمارين بسيطة للفك فتح و قفل خفيف
الاعتماد على الأطعمة اللينة
مجرد انتهاء التيبس و الالتهاب
لابد من خلع الضرس فورا

Answer 6

حضرتك تمشي علي العلاج اللي وصفهولك الدكتور لحد ما الالتهاب يروح وتخلعي الضرس

دكتور محمد عبد المنعم شهاب

51

اسنان
المنصورة, الدقهلية

Answer 7

صح محتاجين نعالج الاول ال trismum (التشنج العضلي) الناتج عن الالتهاب الموجود في ضرس العقل عشان يقدر الدكتور يشتغل لانك مش عارفة تفتحي فكك كويس وعشان مش بينفع ندخل عملية وفي التهاب والم وتورم البنج مش بيشتغل

فلازم العضلات ترجع تاني لوظيفتها فعشان كدا بندي مضاد حيوي لتثبيط العدوي مع باسط للعضلات و مسكن من عائلة الNSAID لانه له علاقة بتقليل الالتهاب والتورم المسبب لانقباض العضلات

دكتور محمد ناجى 63 اسنان فيصل, الجيزة · Answer 8

يتم عمل بانوراما لتقييم وضع الضرس وعلاج الشد العضلى عن طريق باسط العضلات وبعد مضادات الالتهاب حتى تعود حركه مفصل الفك الى وضعها الطبيعى ثم خلع الضرس بالطريقه المناسبه له

Answer 9

الف سلامة علي حضرتك..اوقات الالتهاب الناتج من ضرس العقل بيسبب ان الفم يكون مقفول كده...والادوية بتاخد وقت زيادة شوية لحد ما الفم يرجع يفتح فتحة ممكن من خلالها خلع الضرس...
الف سلامة علي حضرتك

Answer 10

هيفتح مع العلاج الصح، ممكن يحتاج بعض من جلسات العلاج الطبيعي و لكن دا يرجع للفحص الاساسي من اول جلسه مع دكتور متخصص جراحه، العياده متاحه فيها دكاتره كل التخصصات ممكن تشرفينا.

Answer 11

على حسب حضرتك ايه هو العلاج اللي بتاخديه
وهل سبب الألم هو ضرس العقل ام مشاكل خاصه بالفك

Answer 12

طالما يوجد التهاب لازم ناخد العلاج مع عمل الاشعه لانها مهمة جدا في حاله اننا قررنا نخلع ضرس العقل

Answer 13

وجود التهاب هيستمر لوجود مصدر الالتهاب طبعا يفضل نشوف الاشعه علشان نعرف نحكم ونشوف الحالة كلينكال وعامه تكرار المضاد الحيوي مش هيقلل من الالتهاب بنسبة ١٠٠٪؜ ف الافضل يتم الكشف كلينكال ونشوف الاشعه طبعا افضل

Answer 14

حضرتك تقدري تنورينا نشوف المشكلة ونعمل أشعة بانوراما ونعالج المشكلة ان شاء الله

Answer 15

ممكن يكون الوضع اثر شوية علي عضلات الفك أو المفصل
بنحاول ناخد علاج فترة صغيرة و الافضل يتخلع ضرس العقل في اقرب وقت

Answer 16

ممكن تنوريني ف العياده الطبيه لعمل الفحص اللازم والف سلامه لحضرتك مع وجود خصم خاص لمرضى التطبيق

Answer 17

العلاج محتاج ع الاقل ٥ ايام عشان تظهر نتيجته خصوصاً لو كان الضرس مدفون ولابد قبل الخلع نعمل اشعة نحدد وضع الضرس بالظبط

Answer 18

لما الالتهاب هيروح هترجع لطبيعتها
استمري علي علاج الدكتور وان شاء الله تتحسني في خلال أسبوع من العلاج

Answer 19

الف سلامة ع حضرتك
اولا عمل اشعة بانوراما
ثانيا كورس العلاج بيكون اقل حاجة من ٥- ٧ايام
مممن يكون ف التهاب محيط بضرس العقل
فمحتاجين ملتزم بالعلاج
ثم معالجة السبب الرئيسي

لو سمحت يادكتور عندي استفسار من حضرتك انا ضرس العقل...

لديك سؤال طبي؟ ارسل سؤالك في سرية تامة الى طبيب متخصص للاجابة عليه في اقرب وقت

أطباء في تخصص اسنان

دكتور عمرو امين

دكتور تخصص اسنان

دكتور بيتر كمال

دكتور تخصص اسنان

دكتور ابراهيم الصباح

دكتور تخصص اسنان

دكتورة دورا ماجد

دكتورة تخصص اسنان

دكتور محمد عصام الشيتانى

دكتور تخصص اسنان

دكتورة اسراء مخلص عبيد

دكتورة تخصص اسنان