سألت فتاة (تبلغ عمرها 30 سنة) 16 August, 2026
166 الدكتور اداني دوا من ضمن ادوية الاكتئاب علي طول حته لو نايمه كويس بنام علي نفسي طول الوقت بشكل غريب وهو كتب عليه اني اخذه مرتين في اليوم
ببص لاقيت ان تركيزه الماده عالي وكان عندي شخص بياخد نفسه نص قرص بس أنا باخد اتنين خلال اليوم محتاج حل لان هو قالي لازم وضروري أخده
لازم نرجع لنفس الدكتور و نغير الدوا لانه كده تقيل جدااا عليكى
و لو بعدها عايزه تتابعى معايا تنورينى فى اى وقت
و لو بعدها عايزه تتابعى معايا تنورينى فى اى وقت
أخصائية نيرة خالد تواصلى مع الدكتور عشان يشرح لحضرتك الاعراض الجانبية والجرعة ويطمن حضرتك
أخصائية سهيله مقلد العلاج نفسي من الادوية اللي مينفعش مريض ياخدها او يوقفها بمزاجه لازم ترجعي للطبيب اللي كتب العلاج و تعرفيه بالشكوي كل علاج بيبقي ليه اكتر من استخدام مش استخدام ممكن اتنين ياخدوا نفس الدوا بس كل شخص فيهم عنده اضطراب نفسي مختلف و بتختلف الجرعة حسب نوع و درجة التعب
دكتور محمد عباس صبرى عباس مش لازم تخدى طول اليوم كفايا جرعه واحده فقط
أخصائية شيماء احمد احيانا دة بيكون عرض جانبي الدوا ومش شرط يكون عرض مستمر ممكن في بداية العلاج فقط .. انصحك بالاقدام علي جلسات سلوكي معرفي هتساعدك كتير بجانب الدوا
أخصائية ميرنا نبيل النعاس الشديد بالشكل ده، خصوصًا لو بيحصل رغم إنك نايمة كويس، محتاج ترجعي للدكتور اللي وصف الدواء وتقوليله بالتفصيل اللي بيحصل. ما تقلليش الجرعة ولا توقفي الدواء من نفسك، حتى لو حسيتي إن الجرعة عالية، لأن بعض أدوية الاكتئاب لازم تتظبط تدريجيًا.
أخصائية مروة الليثي 
