دكتور احمد محمود الشويخي

ربنا يطمنكم عليها ويكتب لها الخير إن شاء الله
وجود شريان واحد بدل شريانين مع وجود تضيق واحتياج لعملية محتاج تقييم دقيق من طبيب قلب أطفال وجراحة قلب أطفال علشان نحدد درجة التضيق وتأثيره على القلب ونشوف هل العملية مطلوبة دلوقتي ولا ممكن المتابعة والعلاج
لو هي بتاخد العلاج حالياً وبتتحسن فده شيء مطمئن لكن لو لسه فيه تعب أو نهجان أو زرقة أو تورم أو ألم في الصدر يفضل مراجعة الطبيب في أقرب وقت

حضرتك عدم الاتزان والدوخة في السن ده ممكن يكون ليهم أكتر من سبب زي انخفاض الضغط أو اضطراب السكر أو الأنيميا أو مشاكل الأذن الداخلية أو بعض الأدوية وأحيانًا يكون السبب متعلق بالقلب أو الدورة الدموية
الأفضل يتم الكشف وقياس الضغط والسكر ومراجعة الأدوية اللي بتاخديها وبعد الكشف نحدد إذا كان فيه حاجة لتحاليل أو رسم قلب أو فحوصات أخرى
ولو الدوخة بدأت بشكل مفاجئ ومعاها ضعف أو تنميل في ناحية من الجسم أو لخبطة في الكلام أو زغللة شديدة أو إغماء أو عدم القدرة على المشي لازم التوجه للطوارئ فورًا