أخصائية ريهام ضوه

الأعراض دي ممكن تكون مرتبطة بإجهاد صوتي، خصوصا لو فيه صراخ أو استخدام زائد للصوت بشكل متكرر. إحساس الشد حوالين الحنجرة، وبذل مجهود أثناء الكلام مع وجود بحة بسيطة، ممكن يشير لوجود إجهاد أو سوء استخدام للصوت بالصراخ أو أننا نعلم صوتنا بشكل مبالغ فيه، لكن ما نقدرش نحدد السبب بدقة من الأعراض فقط. الأفضل نبدأ بتقييم صوتي مع أخصائي تخاطب، ولو البحة مستمرة يفضل كمان فحص الحنجرة عند طبيب أنف وأذن أو صوتيات .

التهتهة بتحتاج شوية تمارين وتدريب على طريقة الكلام والتنفس، لكن الأهم إن التمارين تكون بشكل بسيط ومن غير ضغط أو مبالغة. وبما إن سنه 15 سنة، فممكن نحتاج مجهود ووقت أكتر شوية، لكن بإذن الله مع الجلسات هنقدر نحسن الطلاقة بشكل واضح، حتى لو ما اختفتش التهتهة تماما. والأفضل نبدأ من دلوقتي وما نأجلش أكتر، خصوصًا إنها بتزيد وقت العصبية.