دكتور احمد طارق عمارة

الف سلامة على ابن حضرتك
الأفضل نتابع مع دكتور أطفال و لو احتاج استشارة من دكتور جراحة انا عينيا فى اى وقت
الف سلامة

الف سلامة على حضرتك
يوجد اسباب كثيرة لاحتباس المياة فى الجسم ممكن تكون مشكلة بالكلية او الكبد او القلب او اسباب أخرى كثيرة
فلابد اولا عمل الفحوصات والاشعات اللازمة للوقوف على السبب و البدء فى خطة العلاج ان شاءالله

الف سلامة على حضرتك
حصوات المرارة علاجها الوحيد هو استئصال المرارة بالمنظار الجراحى عن طريق فتحات صغيرة جدا و بنتعافى سريعا ان شاءالله بعد العملية و دى ميزة المنظار الجراحى عن عمليات الفتح الجراحى
الحاجة التانية حصوات المرارة بتختلف عن حصوات الكلى او الحالب اللى ممكن نستخدم فيها الليزر لتفتيت الحصوات لكن للأسف مش بينفع مع حصوات المرارة علشان كدة العلاج الوحيد لحصوات المرارة هو استئصال المرارة بالمنظار الجراحى
الف سلامة على حضرتك

اهلا وسهلا بحضرتك
الف سلامة على حضرتك
هنحتاج نعمل أشعة مقطعية ثلاثية الأطوار ( Triphasic CT ) على البطن لتحديد نوعية النسيج الخشن اللى ظهر فى أشعة السونار و للمعرفة اكثر عن تفاصيل هذا النسيج و تنورنى حضرتك فى العيادة بنتيجة الأشعة المقطعية
الف سلامة على حضرتك