دكتور محمد بدوي

ازيك يا فندم
قبل ما نتكلم في علاج الوسواس القهري محتاجين نتأكد من التشخيص وهل فيه أمراض مصاحبة زي الاكتئاب وغيره ولا لأ
بعدها نبدأ في الخطة العلاجية
علاج الوسواس القهري بينقسم ل جزء دوائي وجزء علاج معرفي سلوكي
وحسب شدة الوسواس بنشوف هنحتاج دواء ولا هنكتفي بجلسات العلاج النفسي
فيما يخص الأدوية ف مفيش دواء معين واحد لعلاج الوسواس، فيه اختيارات كتير وبناءا ع طبيعة الحالة الدكتور بيختار الدواء الأنسب
وفي كل الأحوال لا أنصح بتناول وصفة دوائية إلا بعد زيارة طبيب مختص

ازيك يا فندم
هو للأسف أنا مش بأقدم خدمة الدعم أو التواصل عن طريق الهاتف
لكن تقدر تنورني أو تنور غيري من زملائي الأفاضل ونشوف نقدر نساعدك في ايه وممكن نساعدك ازاي

طب خلينا نجاوب على جزء بجزء
لو هنتكلم على عدم شعورك بذاتك فهل تقصد إنه كأن بيحصل معاك حالة انفصال عن نفسك أو عن الواقع وكأنك مش موجود فيهم، ولا تقصد إنه عندك إحساس علطول بالفراغ الداخلي، ولا عندك مشكلة في تحديد هويتك وانت مين

الجزء الثاني بخصوص عدم تقبلك لنفسك؛ محتاجين نفهم هل ده شيء جديد عليك بعد حاجة معينة حصلت في حياتك ولا ده كأنه طبيعة في شخصيتك وموجود تقريبا طول الوقت، كمان محتاجين نفهم مش متقبل ايه تحديدا في نفسك وليه

الجزئيتين محتاجين تقييم كويس من خلال مختص نفسي عشان نقدر نفهم أساس المشكلة وايه التشخيص الدقيق ليها وبناءا عليه نقدر نشوف ايه الخطة العلاجية اللي ممكن تساعدك
تحياتي

دي كلها أعراض نفسية
محتاجين نعرف ايه الأسباب ورا الأعراض دي
وعشان نعرف ده لازم نعمل تقييم كويس من قِبَل مختص نفسي
هأقولك مثلا مشاهدة الإباحية دي وسيلة هروب ف محتاجين نعرف انت بتهرب من ايه وايه سبب اللغبطة دي
وبناءا عليه يتم وضع خطة علاجية منفصلة على مشكلاتك وحالتك
اه التغيير ممكن ياخد وقت شويه لكن بيحصل تحسن كبير مع حالات كتير شبيهة

فترة المراهقة متوقع فيها إن يحصل بعض التغيرات السلوكية
محتاجين نعمل تقييم كويس للتغيرات دي ممكن يكون سببها ايه وبناءا عليه نقدر نعرف التشخيص وشكل الخطة العلاجية اللي هتساعده هتبقى ايه، هل هنكتفي بجلسات علاج نفسي وتغيير سلوك ولا هنحتاج تدخل دوائي كمان